प्रस, पंचगावाँ, ६ फागुन/
सखुवाप्रसौनी गाउँपालिकाको सहयोगमा वडा नं २ औराहा पंचगावाँमा शनिवारदेखि प्रथम सखुवाप्रसौनी क्रिकेट प्रतियोगिता शुरू भएको छ । प्रतियोगिताको पूर्वसभासद् मन्जुर अन्सारीले उद्घाटन गरे ।
उद्घाटन समारोहमा वडाध्यक्ष वासुदेव महतो थारू, चिरञ्जीवी महतो थारू, मोजामिल मियाँ अन्सारी, वडासदस्य छोटेलाल पासवान, स्थानीय समाजसेवी अनिरुद्ध पटेललगायतको सहभागिता थियो । उद्घाटन खेलमा परवानीपुर गापा विजयी भयो ।
पहिले ब्याटिङ गरेर परवानीपुर गापाले सखुवाप्रसौनी गापालाई १५२ रनको विजयी लक्ष्य दिएको थियो । तर सखुवाप्रसौनी गापा निर्धारित २० ओभरको खेलमा ११८ रनमैं सीमित भयो । भोलि आइतवार कालिकामाई गापा र वीरगंज महानगर–२६ बीच प्रतिस्पर्धा हुने आयोजक समितिका अध्यक्ष अशोक पटेलले बताए ।
