प्रस, वीरगंज, ७ माघ/
वीरगंज महानगरपालिका–१ बजार छपकैयास्थित शिवशक्ति युवा क्लबको आयोजनामा शनिवार आयोजित रक्तदान कार्यक्रममा एकजना महिलासहित ३४ जनाले रक्तदान गरेको रक्त सञ्चार केन्द्र वीरगंजका प्राविधिक धीरेन्द्र झाले बताए ।
रक्तदान कार्यक्रमको वडाध्यक्ष मनोजराउत कुर्मीले उद्घाटन गरेका थिए । उनले १८ वर्ष माथिका र ६० वर्ष मुनिका सबै स्वस्थ मानिसले रक्तदान गर्न सक्ने बताए । शरीरको रगत खेर जान नदिन प्रत्येक तीन महीनामा रक्तदान गर्न सकिने उनले बताए । रक्तदानकै कारण धेरै मानिसको ज्यान जोगिंदै आएको उनले बताए ।
शिवशक्ति युवा क्लबका अध्यक्ष भोला साह तरलको अध्यक्षतामा भएको कार्यक्रममा शारदादेवी, हरेकृष्णसाह तेली, सन्तोष गुप्ता, पप्पु सोनार, गुलाब अन्सारी, कृष्णसाह तुराहा, महेश साहलगायतले रक्तदान गरेका थिए ।
