प्रस, सेढवा, २२ पुुस/
जीराभवानी गाउँपालिका–४ सुपौली खेलमैदानमा सञ्चालित ढकिया बुनाइ प्रतियोगिता बिहीवार साँझ सम्पन्न भएको छ । पालिकाको आर्थिक सहयोगमा आस्था नेपालद्वारा आयोजित कार्यक्रममा १२५ वटा टोलीको सहभागिता थियो । जसमध्ये ९४ जनाले ढकिया बुनेर संस्थालाई बुझाएको कार्यक्रम संयोजक गोविन्द चौधरीले बताए ।
प्रतियोगिताको नतीजा माघ १ गते जीराभवानी गाउँपालिका–५ शङ्करसरैयामा हुने खिचडी कार्यक्रममा घोषणा गरिने संयोजक चौधरीले बताए । थारू कला, संस्कृतिको संरक्षण तथा प्रवद्र्धनका साथै स्थानीय स्रोतसाधनको प्रयोगबाट महिलाहरूको आयस्तर उकास्न यस प्रकारको कार्यक्रमको आयोजना गरिएको उनले बताए ।
प्रतियोगितामा प्रथम, द्वितीय र तृतीय हुनेलाई क्रमशः २५ हजार, १५ हजार र १० हजार नगद पुरस्कारसहित ट्रफी प्रदान गरिने संयोजक चौधरीले बताए । यसका साथै १२ वटा प्रतिस्पर्धी टीमलाई सान्त्वना पुरस्कारको व्यवस्था गरिने बताए । बुनिएका ढकियालाई प्रदर्शनीमा राखिने र बिक्री भए सो रकम सम्बन्धित टीमलाई प्रदान गरिने आयोजकले जनाएको छ ।
