प्रस, पोखरिया, ३ पुस/
पोखरिया नगरपालिकामा आयोजित चौथो पालिकास्तरीय मेयकप टी–२० क्रिकेट प्रतियोगिता अन्तर्गत आइतवार भएको खेलमा पोखरिया नगरपालिका विजयी भएको छ ।
पोखरिया नगरपालिका र छिपहरमाई गाउँपालिकाबीच सम्पन्न सातौं दिनको खेलमा छिपहरमाई गापाले टस जितेर ब्याटिङ रोजेको थियो । ब्याटिङ गरेको छिपहरमाई गापाले निर्धारित २० ओभरमा नौ विकेटको नोक्सानीमा १५० रन बनाएको थियो ।
सो लक्ष्य पोखरिया नपाले १५.२ ओभरमा दुई विकेट गुमाएर पूरा गरी विजयी भयो । खेलको ‘म्यान अफ दी म्याच’ पोखरिया नपाका नितेश चौधरी घोषित भए ।
भोलि सोमवार सखुवाप्रसौनी गाउँपालिका र बहुदरमाई नगरपालिकाबीच हुने आयोजक समितिले बताएको छ ।
