मेयरकप टी–२० : धोबिनी गाउँपालिका विजयी

प्रस, पोखरिया, २८ मङ्सिर/

पोखरिया नगरपालिकामा आयोजित चौथो मेयरकप टी–२० क्रिकेट प्रतियोगितामा बुधवार धोबिनी गाउँपालिका विजयी भएको छ । आज सम्पन्न तेस्रो खेलमा छिपहरमाई गाउँपालिकाले टस जिती फिल्डिङ रोजेको थियो । ब्याटिङ गर्न आएको धोबिनी गाउँपालिकाले २० ओभरमा छ विकेटको नोक्सानीमा १७४ रन बनाएको थियो ।

१७५ रनको विजयी लक्ष्य लिएको छिपहरमाईले सबै विकेट गुमाएर १७.२ ओभरमा मात्र ११९ रन बनाउन सक्यो ।

आजको खेलमा धोबिनीका चन्दन राम ‘म्यान अफ दी म्याच’ घोषित भए । उनले ५१ रनको योगदानसहित तीन विकेट लिएका थिए ।