सियोल, ११ मङ्सिर/एएफपी
उत्तर कोरियाली नेता किम जोङ उनले आफ्नो देश विश्वको सबैभन्दा शक्तिशाली आणविक शक्ति केन्द्र बन्ने लक्ष्य राखेको बताएका छन् ।
प्योङयाङले अहिलेसम्मकै सबैभन्दा शक्तिशाली क्षेप्यास्त्र परीक्षण गरेको र यो अमेरिकी मुख्य भूमिसम्म पुग्न सक्ने विश्वास गरिएको उत्तर कोरियाली अधिकारीले दाबी गरेका छन् ।
नेता किमले ह्वासोङ–१७ को सफलताका लागि १०० भन्दा बढी सम्बन्धित अधिकारी र वैज्ञानिकलाई पदोन्नति पनि गरेको छ ।
नयाँ आइसिबिएमलाई ‘विश्वको सबैभन्दा बलियो रणनीतिक हतियार’ भन्दै किमले उत्तर कोरियाली वैज्ञानिकले ब्यालेस्टिक क्षेप्यास्त्रमा आणविक हतियार राख्ने प्रविधिको विकासमा आश्चर्यजनक फड्को मारेको बताएका छन् ।
राज्य र जनताको गरिमा र सार्वभौमिकताको रक्षाका लागि आणविक शक्ति निर्माण गर्नु ‘सबैभन्दा ठूलो र सबैभन्दा महŒवपूर्ण प्रगतिको कारण हो, र यसको अन्तिम लक्ष्य विश्वको सबैभन्दा शक्तिशाली रणनीतिक शक्ति बन्नु र यस शताब्दीमा अभूतपूर्व पूर्ण शक्ति कब्जा गर्नु हो”–किमलाई उद्धृत गर्दै केसीएनएले उल्लेख गरेको छ ।
वैज्ञानिकहरूले प्योङयाड्ढो ‘विश्वको सबैभन्दा बलियो सेना निर्माण गर्ने लक्ष्य’ विश्वसामु प्रदर्शन गरेको किमले बताए ।
नयाँ ह्वासोङ–१७ आइसिबिएमको लन्चिङ भेहिकललाई ‘उत्तर कोरियाको हिरो’ को उपाधि प्रदान गरिएको केसिएनएको रिपोर्टमा उल्लेख छ ।
‘यसले उत्तर कोरिया पूर्ण आणविक शक्ति हो भन्ने कुरा विश्वसामु स्पष्ट रूपमा प्रमाणित गरेको छ’–प्रतिवेदनमा भनिएको छ । रिपोर्टमा थप भनिएको छ–‘उत्तर कोरियाले सबैभन्दा शक्तिशाली आइसिबिएम राष्ट्रको रूपमा आफ्नो शक्ति प्रदर्शन गरेको छ ।’
कोरिया इन्स्टिच्युट फर नेशनल युनिफिकेशनका होङ मिनले ह्वासोङ–१७ को परीक्षण उत्तर कोरियाले आफूलाई प्रमुख आणविक शक्तिका रूपमा स्थापित गर्ने उद्देश्यले गरेको बताए ।
“यदि सन् २०१७ मा ह्वासोङ–१५ को प्रक्षेपण आणविक हतियारले अमेरिकी मुख्य भूमिलाई खतरामा पार्न सक्ने राष्ट्र बन्नमा केन्द्रित थियो भने पछिल्लो क्षेप्यास्त्र सबैभन्दा शक्तिशाली आइसिबिएम राज्य बन्न केन्द्रित छ”– उनले थपे ।
संयुक्त राष्ट्रसङ्घीय सुरक्षा परिषद्ले सन् २००६ यता उत्तर कोरियाको आणविक तथा क्षेप्यास्त्र गतिविधिका कारण उत्तर कोरियामाथि प्रतिबन्ध लगाउने झन्डै एक दर्जन प्रस्ताव पारित गरिसकेको छ । तर उत्तर कोरियाले प्रतिबन्धको वेवास्ता गर्दै आफ्ना आणविक कार्यक्रमलाई निरन्तरता दिंदै आएको देखिन्छ । रासस
