प्रस, वीरगंज, ११ कात्तिक/
छठपूजा व्यवस्थापन समितिको समन्वयमा घडीअर्वा स्पोटर््स क्लबले आयोजना गरेको रक्तदान कार्यक्रममा एकजना महिलासहित ४४ जनाले रक्तदान गरेका छन् ।
घडीअर्वा पोखरी छठघाट परिसरमा शुक्रवार सम्पन्न रक्तदान कार्यक्रममा फिरोज बादशाह, चन्द्रिकाप्रसाद पटेल, किशोरीसाह कानू, सुनील दास, राहुल कुमार कानू, लखनलाल गुप्ता, मनोहर साह, जितेन्द्र सिंह, अनिलकुमार गुप्ता, सन्तोषकुमार साह, मनिराज गुप्ता, मुकेश साह, लालबाबूकुमार साह, मनीषकुमार गुप्ता, विश्वेश्वरप्रसाद महतोलगायतले रक्तदान गरेको रक्त सञ्चार केन्द्र वीरगंजका प्राविधिक धीरेन्द्र झाले जानकारी दिए ।
वीरगंज महानगरपालिकाका प्रमुख राजेशमान सिंहको प्रमुख आतिथ्य तथा क्लबका अध्यक्ष लखनलाल गुप्ताको अध्यक्षतामा भएको कार्यक्रममा छठ पूजा व्यवस्थापन समितिका अध्यक्ष हीरासाह कानू, वडाध्यक्ष सुशीलसाह कानू, समितिका उपाध्यक्ष दिलीपसाह कानू, सहसचिव मुन्ना साह, कोषाध्यक्ष तिलक साहलगायतको उपस्थिति रहेको समितिका सदस्य प्रणय साहले बताए ।
