प्रस, पर्सागढी, २२ असोज/
केही दिनदेखि परेको पानीले केही किसानलाई राहत भएको छ भने केहीलाई आहत पारेको छ ।
तीन दिनदेखिको वर्षाले सोना मन्सुली धानखेती गरेका किसानलाई राहत भएको छ ।
त्यही सारो (सरीहन) धान लगाएका किसानहरू भने आहत भएका छन् ।
पर्सा जिल्लामा अधिकांश किसानले सोना मन्सुली धान लगाउँछन् । तर सारो (सरीहन) धान डेढ महीनामा तयार हुने हुँदा केही किसानले सारो खेती गर्छन् ।
सानो समयमा धान खेती हुने हुँदा केही किसानको रुचि सारो धानमा बढी छ । तर जिल्लाभरिको गणना गर्दा सोना मन्सुली धान लगाउने किसानको सङ्ख्या बढी छ ।
