प्रस, वीरगंज, ३ असार/
वीरगंज उद्योग वाणिज्य सङ्घका अध्यक्ष सुबोधकुमार गुप्ता कर्पोरेट इन्फ्लुएन्सियल लिडरशिप अवार्ड २०२२ बाट सम्मानित भएका छन् ।
कर्पोरेट मिडिया ग्रुपले कर्पाेरेट बिजनेस अवार्ड २०२२ बाट अध्यक्ष गुप्तालाई सम्मानित गरेको हो । अध्यक्ष गुप्तालाई उपराष्ट्रपति नन्दबहादुर पुनले सम्मान गरेका थिए ।
उद्यमशीलताको क्षेत्रमा अध्यक्ष गुप्ताले अतुलनीय कार्य गरेकाले सो पुरस्कारबाट सम्मानित गरिएको कर्पोरेट मिडिया ग्रुपका अध्यक्ष उज्ज्वलजङ्ग शाहले बताए ।
नेपाल चामल, दाल तथा तेल सङ्घका केन्द्रीय अध्यक्षसमेत रहेका अध्यक्ष गुप्ता २५ वर्षभन्दा बढी समयदेखि उद्योग–व्यवसाय क्षेत्रमा लागेका छन् ।
