प्रस, वीरगंज, २५ असार÷
पर्सा र सर्लाहीमा शनिवार आयोजित रक्तदान कार्यक्रममा आठजना महिलासहित १६४ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेयले बताए ।
वीरगंज महानगरपालिका–२४ रामगढवा एकता युवा क्लबले आयोजना गरेको रक्तदान कार्यक्रममा चारजना महिलासहित ८० जनाले रक्तदान गरेको प्राविधिक प्रमुख पाण्डेयले बताए ।
नगरप्रमुख राजेशमान सिंहको प्रमुख आतिथ्यमा भएको कार्यक्रममा पिङ्की देवी, निखिल यादव, विशाल यादव, रमिता देवी, उमेश पटेल, सन्दीप पटेललगायतले रक्तदान गरेका थिए ।
यसैगरी, लायन्स क्लब अफ सर्लाहीले बरहथवामा आयोजना गरेको रक्तदान कार्यक्रममा चारजना महिलासहित ८४ जनाले रक्तदान गरेको रक्तसञ्चार केन्द्र, वीरगंजका प्राविधिक धीरेन्द्र झाले बताए ।
कार्यक्रममा सरीता श्रेष्ठ, सुनील सिंह कुशवाहा, भुवन अधिकारी, पवन महतो, अरविन्द यादवलगायतले रक्तदान गरेको प्राविधिक झाले बताए ।
