प्रस, वीरगंज, १८ असार/
पर्सा र बारामा शनिवार आयोजित रक्तदान कार्यक्रममा आठजना महिलासहित १४६ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
बाराको जीतपुरसिमरा उपमहानगर–७ शान्तिटोलमा शान्ति युवा विकास मञ्चले आयोजना गरेको रक्तदान कार्यक्रममा आठजना महिलासहित १२१ जनाले रक्तदान गरेको रक्तसञ्चार केन्द्र, वीरगंजका प्राविधिक धीरेन्द्र झाले बताए ।
सो कार्यक्रममा सुशील शर्मा, मनोज पुडासैनी, मनीता दुलाल, सलमान खान, सुनील सहनी, अभय क्षत्री, राधेश्याम साह, राजकुमार राई, योगेश अधिकारी, मुकेश राउत, सरोज साह, अरबाज अन्सारी, अरुण सिंह, अभिनय गुप्ता, पार्वती थरुनी, रमा थापामगर, सावित्री अधिकारी, कल्पना श्रेष्ठ, प्रीति सरकारलगायतले रक्तदान गरेको प्राविधिक झाले बताए ।
यसैगरी, पर्साको पकहामैनपुर गाउँपालिकामा आयोजित रक्तदान कार्यक्रममा २५ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख पाण्डेले बताए ।
पकहामैनपुरस्थित श्रीरामचरित्र भगत उच्च मावि परिसरमा पकहामैनपुर युवा सञ्जालको सहकार्यमा समाज परिवर्तन नेपालले आयोजना गरेको रक्तदान कार्यक्रममा अकलेशकुमार साह, महम्मद हवारी, रोशन सहनी, देवलाल साह, अकलेश पटेल, नरेश सहनी, जमील अख्तर, टेकबहादुर विश्वकर्मा, प्रेमबहादुर माली, पृथ्वीनारायण वर्णवाललगायतले रक्तदान गरेका थिए ।
