हतियार र लागू पदार्थसहित तीनजना पक्राउ

प्रस, रक्सौल, २८ जेठ/

भारत, बिहार आदापुरस्थित श्यामपुर बजारबाट तीनजना पक्राउ परेका छन् ।

गुप्त सूचनाको आधारमा प्रहरीले श्यामपुर बजारस्थित सिनेमा हलबाट तीनजनालाई हातहतियार र लागू औषधसहित पक्राउ गरेको हो ।

पक्राउ पर्नेमा भारत, बिहार मोतिहारी निवासी ४५ वर्षीय रतन शर्मा, २२ वर्षीय सुनील पासवान र रघुनाथपुर निवासी २२ वर्षीय राजकुमार साह छन् ।

उनीहरूबाट एउटा पिस्टल, त्यसमा लाग्ने ८ थान गोली र ९५ ग्राम ब्राउन सुगर बरामद भएको
छ ।