प्रस, वीरगंज, १५ चैत/
वीरगंज महानगरका प्रमुख विजय सरावगीले वीरगंज महानगर–३ छपकैयामा निर्मित न्यु स्टार युवा क्लब तथा धर्मशालाको उद्घाटन गरेका छन् । सो अवसरमा उनले गत स्थानीय निर्वाचनमा सबैभन्दा कम मत वडा नं. ३ बाट पाएको र आफ्नो कार्यकालमा सबैभन्दा बढी विकास सोही वडामा गर्ने प्रतिबद्धता अनुरूप काम गरेको दाबी गरे ।
उनले वडा नं. ३ मा क्लब तथा धर्मशाला निर्माणबाट स्थानीयलाई सहयोग पुग्ने दाबी गरे । चार वर्षको अवधिमा दुई करोडभन्दा बढीको विकास योजना सो वडामा गरेको उनले बताए । नवनिर्मित धर्मशाला रु १५ लाखमा सम्पन्न भएको वडा सदस्य तुफैल अख्तरले बताए ।
स्थानीय रेयाज मन्सुरीको अध्यक्षतामा भएको उद्घाटन समारोहमा वडा सदस्य सन्तोष गुप्तालगायतको सहभागिता थियो ।
