प्रस, वीरगंज, ६ चैत/
सखुवाप्रसौैनी गाउँपालिकाको सहयोग तथा ग्रेटर युवा क्लब, कौवावनकटैयाको आयोजनामा जिल्लास्तरीय नकआउट भलिबल प्रतियोगिता आइतवारदेखि कटैयाटोलमा शुरू भएको छ । पाँच दिनसम्म चल्ने भलिबल प्रतियोगितामा बिहार तथा नेपालका टीमहरूले भाग लिने आयोजकले जानकारी दिएको छ ।
आजदेखि शुरू भएको प्रतियोगिताको उद्घाटन पूर्वराज्यमन्त्री तथा प्रदेश सांसद करीमा बेगमले गरेकी थिइन् । गापा अध्यक्ष प्रदीप जयसवालको सभापतित्वमा भएको कार्यक्रममा प्रदेश सांसद मन्जुर अन्सारी, जसपाका नेता महमद सलाउद्दीन, फिरोज मन्सुर, शिवजीप्रसाद सोनी, नेपाली काङ्ग्रेसका जवाहरप्रसाद कुर्मीलगायतले मन्तव्य व्यक्त गरेका थिए ।
