प्रस, वीरगंज, २६ फागुन/
सखुवाप्रसौनी गाउँपालिकाकी उपाध्यक्ष फूलमतीदेवी थरुनीमाथि जिल्ला प्रहरी कार्यालय, पर्साले अभद्र व्यवहारको मुद्दा दर्ता गरेको छ ।
केही दिनअघि गापा अध्यक्ष प्रदीप जैसवाललाई दुव्र्यवहार गरेको भिडियो सार्वजनिक भएपछि सोही भिडियोको प्रमाणको आधारमा गापा अध्यक्ष जैसवालले उजुरी दिएका थिए । गापा अध्यक्ष जैसवालको उजुरीको आधारमा गापा उपाध्यक्ष थरुनीमाथि मुद्दा दर्ता गरिएको जिल्ला प्रहरी कार्यालय, पर्साका प्रहरी उपरीक्षक रमेश बस्नेतले बताए ।
प्रउ बस्नेतका अनुसार उनीविरुद्ध पक्राउ पुर्जी जारी भएको र अहिलेसम्म सम्पर्कमा नआएको बताए । उनले प्रहरी परिचालन गरिसकेको र चाँडै उपाध्यक्ष थरुनीलाई नियन्त्रणमा लिने बताए ।
