सात थान सालको गोलिया बरामद

प्रस, पंचगावाँ, १३ फागुन/

वन र प्रहरीको संयुक्त टोलीले सखुवाप्रसौनी गाउँपालिकाका विभिन्न वडाबाट सात थान सालको गोलिया बरामद गरेको छ।

सबडिभिजन वन कार्यालय, रङ्गपुरटाँडीका सहायक वन अधिकृत कपिलदेव यादवको नेतृत्वमा इलाका प्रहरी कार्यालय, पटेर्वासुगौलीका प्रहरी निरीक्षक रामकाजी थापासहितको टोलीले वडा नं २ गुलरियाबाट चार थान र वडा नं ३ बाट तीन थान गरी सात थान सालको गोलिया बरामद गरिएको सहायक वन अधिकृत यादवले बताए।

बरामद गोलिया ३२ क्युफिट भएको र सबडिभिजन वन कार्यालय, रङ्गपुरमा राखिएको उनले जानकारी गराए।