क्रिकेटको उपाधि बैरियालाई

प्रस, वीरगंज, ७ फागुन/

बहुदरमाई नगरपालिकामा सञ्चालित क्रिकेट प्रतियोगिताको उपाधि बैरिया टीमले जितेको छ ।
एकडेर्वालाई फाइनलमा १३ रनले पराजित गर्दै बैरियाले उपाधि जितेको हो । पिपरा खेलमैदानमा आयोजित प्रतियोगिताको फाइनल खेलको ‘म्यान अफ दी म्याच’ असर्फी साह तेली घोषित
भए ।

प्रतियोगितामा ‘म्यान अफ दी सिरिज’को उपाधि ओम सागर र उत्कृष्ट बलर अभय कुमार घोषित भए । कार्यक्रमका प्रमुख अतिथि शिव पटेलले विजेतालगायतलाई शिल्ड, मेडल र प्रमाणपत्र वितरण गरेका थिए । प्रतियोगितामा ८ वटा टीम सहभागी थिए ।