लता मङ्गेशकरको निधनमा रक्सौलमा शोकसभा

राजेश केशरीवाल, रक्सौल, २४ माघ/

भारतकी स्वर कोकिला लता मङ्गेशकरको निधनमा सोमवार रक्सौलमा शोकसभा आयोजना भएको छ ।

कपडा बैंक रक्सौलको आयोजनामा सम्पन्न शोकसभामा बैंककी निर्देशिका ज्योतिराज गुप्ताले महान् गायिका लता मङ्गेशकरको निधन भारत र सङ्गीतजगत्लाई अपूरणीय क्षति पुगेको बताइन् ।

शोकसभामा कुमारी अपराजिता र रजनीशले स्व लता मङ्गेशकरको यादमा उनले गाएका गीत गाएका थिए । सभामा शिखारञ्जन गुप्ता, सुमन, रेखा गुप्ता, ज्योति अग्रवाल, पूनम गुप्ता, गीता देवी, मधु सर्राफलगायतले श्रद्धाञ्जलि व्यक्त गरेका थिए ।