प्रस, वीरगंज, १६ माघ/
वीरगंजबाट प्रकाशित कालिका टाइम्सको वार्षिकोत्सवको अवसरमा आइतवार भएको मैत्रीपूर्ण फूटबल खेलमा पत्रकार समूह विजयी भएको छ । निजामती कर्मचारी र पत्रकारबीच प्रदेश प्रहरी विपद् व्यवस्थापन गुल्मको मैदान वीरगंजमा भएको मैत्रीपूर्ण खेलमा पत्रकार समूहले निजामती कर्मचारीलाई तीनका विरुद्ध सात गोलअन्तरले पराजित गरेको हो ।
विजयी पत्रकार समूहलाई नेपाली काङ्ग्रेसका केन्द्रीय सदस्य अजयकुमार चौरसियाले शिल्ड, मेडल, प्रमाणपत्र वितरण गरेका थिए भने उपविजेता निजामती कर्मचारीलाई प्रदेशसभा सदस्य राजेश्वर साह तेली, प्रहरी उपरीक्षक रमेशकुमार बस्नेत, रेडियो वीरगंजका धु्रव साहले शिल्ड, मेडल, प्रमाणपत्र वितरण गरेका थिए ।
प्रतियोगितामा ‘म्यान अफ दी म्याच’ घोषित पत्रकार मनोज पटेललाई नेपाल पत्रकार महासङ्घका सदस्य केसी लामिछानेले शिल्ड, मेडल प्रदान गरेका थिए । पत्रिकाका प्रबन्ध निर्देशक छठु साहको अध्यक्षतामा मैत्रीपूर्ण फूटबल खेल सम्पन्न भएको थियो ।
