सुग्रीव साह, भिस्वा, १२ माघ/
सीमावर्ती भारतको सिक्टामा मङ्गलवार राति अज्ञात समूहले गोली प्रहार गर्दा एकजना युवक घाइते भएका छन्।
सिक्टाको ओम इन्टरप्राइजेजमा बेलुकी ७ बजे दुईजना बन्दूकधारी प्रवेश गरेका र उनीहरूले अन्धाधुन्ध गोली चलाउँदा स्थानीय राजु साह घाइते भएका छन्। उनको तिघ्रामा गोली लागेको थियो। चार–पाँच राउन्ड गोली फायर गरेका दुईजना अज्ञात व्यक्तिले पसलबाट मोबाइल र नगद लुटेका छन्।
पसल स्थानीय पत्रकार अमर साहको रहेको बुझिन आएको छ। प्रहरीले घटना सम्बन्धमा पसलमा जडान भएको सिसिटिभी फुटेजबाट अनुसन्धान अगाडि बढाएको बताएको छ।
