प्रस, वीरगंज, १ माघ/
माघी पर्वको अवसरमा पटेर्वासुगौली गाउँपालिका–४ मा रक्तदान कार्यक्रम सम्पन्न भएको छ ।
नव जागृत युवा क्लबको आयोजनामा भएको रक्तदान कार्यक्रममा एक महिलासहित सयजनाले रक्तदान गरेको क्लबका अध्यक्ष शिवेन्द्रकुमार चौधरीले बताए ।
गापा अध्यक्ष हरिनारायण चौधरीको प्रमुख आतिथ्यमा सम्पन्न रक्तदान कार्यक्रममा कविता चौधरी, शिवेन्द्रकुमार चौधरी, सिकेन्द्र दास, महेश्वरराम थारू, हरिदेव प्रसाद दास, रामसुन्दर पञ्जियार थारू, निरञ्जन चौधरी, शशीकान्त प्रसाद, अनिल कुमार दास, देवराज चौधरीलगायतले रक्तदान गरेको रेडक्रस पर्साका सहायक राजन श्रीवास्तवले बताए ।
