प्रस, वीरगंज, ३० पुस/
जनमत पार्टी, पर्साले वीरगंजमा प्रदर्शन गरेको छ। जिल्ला प्रहरी कार्यालय, पर्सा अगाडि भेला भएर सो पार्टीले प्रदर्शन गरेको थियो।
किसान एकता जिन्दावाद, जनमत पार्टी जिन्दावादलगायत नारा लगाएर जिल्ला प्रहरी कार्यालय अगाडि भेला भई नगर परिक्रमा गरेको थियो। जनमत पार्टी, पर्साले हलो, कुटो, कोदालोसहित नगर परिक्रमा गरेको थियो। कार्यक्रममा अनिता देवी, राजु साहलगायतको सहभागिता थियो।
जनमत पार्टीले किसान आन्दोलनको रूपमा केही दिनदेखि मधेसकेन्द्रित आन्दोलन शुरू गरेको हो। सोही क्रममा आज विभिन्न स्थानमा प्रदर्शन गरेको बताइएको छ।
