प्रस, वीरगंज, २३ पुस/
उद्योगपति मोतीलाल दुगडको ७५औं जन्मदिनको अवसरमा शुक्रवार जीतपुरसिमरा उपमहानगरपालिका–९ छातापिपरामा रक्तदान तथा वृक्षारोपण कार्यक्रम भएको छ ।
एमभी दुगड ग्रुप, जीतपुरको आयोजनामा जीतपुरदेखि सिमरासम्म राजमार्गको दुवैतर्फ तीन हजारवटा बिरुवा रोपिएको बिक्री शाखा प्रमुख ऋषभ शर्माले बताए ।
यसैगरी, जन्मदिनको अवसरमा आयोजित रक्तदान कार्यक्रममा छजना महिलासहित १४० जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
कार्यक्रममा श्रेया श्रेष्ठ, रूशा थापा, नन्दनी साह, कृतिका गोयल, प्रीति यादव, सिर्जना ज्ञवाली, विजय साह, वेदप्रकाश शर्मा, युनुस अन्सारी, शिव कुमार, रितेश चौधरी, शिवशम्भु चौधरी, जाबिर अन्सारी, श्रीकान्त साह, रूपेश यादव, सरोज कलवारलगायतले रक्तदान गरेको प्राविधिक प्रमुख पाण्डेले बताए ।
