प्रस, रक्सौल, १८ पुस/
रक्सौल–भेलाही सडकखण्ड अन्तर्गत जोकियारी रेलवे ढालानजीक रहेको साइफनमा खसेर तीनजनाको मृत्यु भएको छ । अङ्ग्रेजी नयाँ वर्षका दिन भेलाहीबाट रक्सौलतर्फ आउँदै गरेको मोटरसाइकलमा सवार तीनजनाको साइफनमा खस्दा मृत्यु भएको हो ।
उक्त सडकखण्ड अन्तर्गत रहेको सो साइफनमा पर्खाल नरहेको र बाटोको ज्ञान नहुँदा अबेर राति आउने क्रममा उनीहरूको दुर्घटनामा ज्यान गएको स्थानीयले बताए ।
सो साइफनमा खसेर यसअघि पनि कैयौं दुर्घटना भएको स्थानीयहरूले बताए । स्थानीय विधायक र सांसदद्वारा बितेको समयमा उक्त साइफनमा पर्खाल निर्माणमा देखाएको उदासीनताको कारण सधैं दुर्घटना हुने गरेको छ ।
