गरुडामा मशाल जुलुस प्रदर्शन

प्रस, गरुडा, १३ पुस/

किसान आन्दोलन गरिरहेको जनमत पार्टीले रौतहटको गरुडामा मशाल जुलुस प्रदर्शन गरेको छ। जनमत पार्टी रौतहटले बुधवार रौतहटमा आम हडताल घोषणा गरेको र त्यसको पूर्वसन्ध्यामा मङ्गलवार साँझ मशाल जुलुस प्रदर्शन गरेको हो ।

जनमत पार्टीका जिल्ला अध्यक्ष रामेश्वरराय यादवको नेतृत्वमा गरुडामा गरिएको मशाल जुलुसमा करीब दुई दर्जन कार्यकर्ता सहभागी थिए । मूल सडकमा मशाल जुलुस प्रदर्शन गर्दा प्रहरीले खोस्ने प्रयास गरे पनि छेउछाउबाट उम्केर प्रहरीलाई प्रदर्शनकारीले छल्न सफल भएका थिए ।