सिजी कपमा लोटस विजयी

प्रस, परवानीपुर, ११ पुस/

दिल्ली पब्लिक स्कूल, वीरगंजद्वारा जारी आठौं सिजी एडुकेशन कपको चौथो दिन लोटस एकेडेमी र न्यू एकता स्कूलबीच खेल सम्पन्न भएको छ ।

विद्यालय परिसरमा आयोजित खेलमा न्यू एकता स्कूललाई एक गोलका विरुद्ध चार गोल गरी लोटस एकेडेमी विजयी भएको छ । खेलका उत्कृष्ट खेलाडी लोटसका आकाश मोक्तान घोषित भए ।

पर्सा र बाराका ५/५ गरी १० वटा टीम सहभागी रहेको प्रतियोगिता गत बिहीवार शुभारम्भ भएको थियो भने फाइनल खेल आगामी शुक्रवार हुने आयोजक डिपिसका सहायक प्रधानाध्यपक आनन्द गुप्ताले जानकारी गराए ।