घरेलु मदिरा बरामद गरी नष्ट

प्रस, वीरगंज, २९ मङ्सिर/

जगरनाथपुर गाउँपालिकाबाट प्रहरीले घरेलु मदिरा र मोटरसाइकल बरामद गरेको छ।

सशस्त्र प्रहरी बोर्डर आउटपोस्ट भिखमपुरका सशस्त्र प्रहरी निरीक्षक निरञ्जन कार्की नेतृत्वको टोलीले जगरनाथपुर गापा–४ हरपुरबाट मोटरसाइकलमा लोड ८० लिटर घरेलु मदिरा बरामद गरेको बताइएको छ। सशस्त्र प्रहरीलाई देख्नासाथ मोटरसाइकल चालक फरार भएका थिए। बरामद घरेलु मदिरा सरोकारवालाको रोहबरमा नष्ट गरिएको र मोटरसाइकल वीरगंज भन्सार कार्यालय चलान गरिएको सशस्त्र प्रहरीले जनाएको छ।