प्रस, वीरगंज, २८ मङ्सिर/
अन्तरविद्यालय फूटबल प्रतियोगिताको सेमिफाइनलमा राष्ट्रिय विभूति शिक्षा सदन, डुमरवाना प्रवेश गरेको छ। मङ्गलवार सिमरा रङ्गशालामा भएको अन्तिम क्वाटरफाइनल खेलमा न्यू एकता इङ्ग्लिश स्कूल, सिमरालाई शून्यका विरुद्ध तीन गोलअन्तरले राष्ट्रिय विभूति शिक्षा सदनले पराजित गरी सेमिफाइनलमा प्रवेश गरेको हो। विभूतिका नवीन चौधरीले दुर्ई गोल र श्याम चौधरीले एक गोल गरेका थिए। खेलको ३१औं मिनेटमा श्याम चौधरीले पहिलो गोल गरेका थिए भने ४५ र ७० औं मिनेटमा नवीनले दुई गोल गरेका थिए। यस खेलको ‘म्याद अफ दी म्याच’ नवीन घोषित भए।
बुधवारदेखि सेमिफाइनलका खेलहरू शुरू हुनेछन्। बुधवार पहिलो सेमिफाइनलमा नेरामावि, बकुलिया र नेरामावि, अमलेखगंजबीच प्रतिस्पर्धा हुने प्रतियोगिता संयोजक सोनु क्षत्रीले जानकारी दिए।
