प्रस, जीतपुर, २५ मङ्सिर/
नेपाल राष्ट्रिय माध्यमिक विद्यालय बकुलिया अन्तरविद्यालय फूटबल प्रतियोगिताको सेमिफाईनलमा प्रवेश गरेको छ ।
सिमरा रङ्गशालामा शनिवार सम्पन्न पहिलो क्वाटरफाईनलमा एक्स सर्भिसमेन चिल्ड्रेन एकेडेमीलाई १ का विरुद्ध ३ गोलले पराजित गर्दै बकुलिया सेमिफाइनलमा प्रवेश गरेको हो ।
बकुलियाको जितमा अमुल्लाह मियाँले २ गोल गरे भने अजित चौधरीले तेस्रो गोल गरे ।
दुई गोल गरेका अमुल्लाह आजको प्रतियोगितामा म्यान अफ दी म्याच घोषित भए ।
यस्तै एक्स सर्भिसमेनका लागि सबिन लामाले १ गोल मात्र गरे ।
ग्रासरूट फाउन्डेसनको आयोजनामा जारी प्रतियोगिता अन्तर्गत भोलि आइतवार नेपाल राष्ट्रिय माध्यमिक विद्यालय डुमरवाना र नेपाल राष्ट्रिय माध्यमिक विद्यालय अमलेखगञ्ज बीच खेल हुने आयोजक संस्थाका संयोजक सोनु क्षेत्रीले बताए ।
