प्रस, परवानीपुर, २३ मङ्सिर/
वीरगंजमा एमआरहरूको क्रिकेट प्रतियोगिताको तयारी अन्तिम चरणमा पुगेको छ । नेपाल औषधि तथा बिक्री प्रतिनिधि सङ्घ पर्साले मङ्सिर २५ गतेदेखि आदर्शनगर रङ्गशालामा आयोजना हुने तीन दिवसीय क्रिकेट प्रतियोगितामा कर्पोरेट घरानाका आठवटा टीम रहने जनाएको छ ।
वीरगंजमा बिहीवार पत्रकार सम्मेलन गर्दै सङ्घका अध्यक्ष मनोज साह कानूले प्रतियोगिताको बारेमा जानकारी गराए । उनका अनुसार खेल हरेक हप्ताको शनिवार बिदाको दिन मात्रै हुनेछ । ‘प्रथम एनएमएसआरए एफ–१५ नकआउट क्रिकेट प्रतियोगिता’ नाम दिइएको छ । मङ्सिर २५ गते उदघाटन, पुस ३ गते सेमिफाइनल र पुस १० गते फाइनल ्र प्रतियोगिता हुने आयोजक समितिको कार्यतालिका छ ।
एमआरहरूको प्रबन्धकको समूह पिन, क्वेस्ट फर्मास्यूटिकल्स, एनपीएल, म्याग्नस फर्मास्युटिकल्स, भास्कर हर्बलस्यूटिकल्स र नेपाल–इन्डो हस्पिटल गरी आठवटा टीम सहभगी हुनेछन् । प्रतियोगिताकुा विजेताले २५ नगद र उपविजेताले १५ हजार नगदसहित ट्रफी, प्रमाणपत्र र उपहार प्रदान गरिने आयोजक समुहका प्रतिनिधि कृष्णझाले जानकारी दिए ।
