प्रस, सेढवा, ४ मङ्सिर/
नेकपा माओवादी केन्द्र पर्सागढीको प्रथम नगर सम्मेलन शनिवार पर्सागढी नगरपालिका–३ को खेलमैदानमा सम्पन्न भएको छ ।
नेकपा माओवादी केन्द्र पर्सागढीका नगर संयोजक सोम लामाको अध्यक्षतामा भएको नगर सम्मेलनको उद्घाटन गर्दै कार्यक्रमका प्रमुख अतिथि माओवादी पर्साका इन्चार्ज विजय महतोले माओवादी पार्टीको कारण आज देशमा परिवर्तन आएको बताए ।
उद्घाटन समारोहमा जिल्ला संयोजक रामदरश कुशवाहा, जिल्ला सचिव बालेश्वर थारू, केन्द्रीय सल्लाहकार रामाश्रे रामलगायतले मन्तव्य व्यक्त गरेका थिए । कार्यक्रमको सहजीकरण गोलकुमार बस्नेतले गरेका थिए ।
नगर सम्मेलनले लामाकै अध्यक्षतामा ६५ सदस्यीय नगर कमिटी गठन गरेको छ । नगर कमिटीको उपाध्यक्ष गोलकुमार बस्नेत, विपिन यादव, सचिव विक्रम कार्की, सहसचिव कुलमाया थिङ, कोषाध्यक्ष टुककुमारी कार्कीलगायत सदस्यहरू छन् ।
ठोरीमा माओवादीको अधिवेशन
प्रस, ठोरी/
ठोरी गाउँपालिकामा नेकपा माओवादी केन्द्रको वडा अधिवेशन सम्पन्न भएको छ ।
शनिवार ठोरीका पाँचवटै वडामा अधिवेशन सम्पन्न सर्वसम्मत चयन गरिएको ठोरी गापा अध्यक्ष पद्मलाल श्रेष्ठले बताए ।
सम्पन्न वडा अधिवेशनले वडा १ देखि ५ सम्पन्न क्रमशः तिलकबहादुर श्रेष्ठ, भैरवबहादुर बस्नेत, श्याम श्रेष्ठ, सागर तामाङ, वीरबहादुर लोप्चनको अध्यक्षतामा वडा कमिटी गठन गरेको छ ।
