प्रस, पोखरिया, ४ मङ्सिर/
पटेर्वासुगौली गाउँपालिका–५ मनिहर्वामा महावीरी झन्डा मेलामा कुश्ती प्रतियोगिता सम्पन्न भएको छ । शनिवार सम्पन्न कुश्ती प्रतियोगिताको गापा प्रमुख हरिनारायण चौधरीले उद्घाटन गरेका थिए । उनले चार वर्षको अवधिमा विकास निर्माणका कार्यहरू गर्दै आए सरह खेलकूदलाई पनि प्राथमिकतामा राखेको बताए । उनले कुश्तीको विकासको लागि पनि गाउँपालिकाले सक्दो सहयोग गर्ने आश्वासन दिए ।
कार्यक्रममा उपाध्यक्ष ममता महतो, वडाध्यक्ष्F मोतीलाल साह, दुःखी ओझैया, पलक थारू, सुशासन अभियानका नेता राजकुमार यादवलगायतले मन्तव्य व्यक्त गरेका थिए ।
कार्यक्रम ठाकुरप्रसाद थारूको अध्यक्षतामा भएको थियो स्वागत उत्तमसिंह कार्कीले गरेका थिए। कुश्ती प्रतियोगितामा नेपाल–भारतका सयभन्दा बढी पहलवानहरूको सहभागिता थियो ।
