प्रस, वीरगंज, ५ कात्तिक/
जिल्ला प्रहरी कार्यालय, पर्साले जुवाको खालबाट १२ जनालाई पक्राउ गरेको जनाएको छ ।
पर्सागढी नगरपालिका–९, बरेवास्थित नन्दलाल दासको गोठमा जुवातास खेलिरहेको सूचना पाएपछि अस्थायी प्रहरी पोस्ट मनवाबाट खटेको प्रहरी टोलीले १२ जनालाई पक्राउ गरेको जिप्रका, पर्साले जनाएको छ । जुवाको खालबाट प्रहरीले नगद रु १ लाख ७१ हजारसहित तासको १७ वटा गड्डी बरामद गरेको छ ।
पक्राउ पर्नेमा पर्सागढी नपा–३ का कोशिया ठाकुर, वीरेन्द्र सहनी, सुरेश साह, वडा नं १ का गोवर्धन राम, वडा नं २ का मोतीलाल चौधरी, सखुवाप्रसौनी गापा–१ का प्रमोद ओझैया, दिनेश दास थारू, राकेश खवास थारू, पटेर्वासुगौली गापा–१ का ज्वाला गिरी, बारा जीतपुरसिमरा उपमहानगरपालिका–७ का नन्दु मुखिया, प्रमोद राउत र सिम्रौनगढ नगरपालिका–१ का अनिल जयसवाल रहेको जिप्रका, पर्साले जनाएको छ । उनीहरूलाई सार्वजनिक हित, स्वास्थ्य सुरक्ष्Fा, सुविधा, नैतिकताविरुद्ध (जुवा)को कसूरमा मुद्दा चलाइने प्रहरीले जनाएको छ ।
