प्रस, रौतहट, ५ कात्तिक/
सीमा प्रहरी चौकी बन्जरहाको टोलीले ईशनाथ नगरपालिका वडा नं १ बन्जरहास्थित बकैया खोलाको बाँधमा चेकजाँच गर्ने क्रममा स्रोत नखुलेको भारुसहित एकजना भारतीय नागरिकलाई पक्राउ गरेको जनाएको छ ।
भारतबाट नेपालतर्फ आउँदै गरेको भारत बिहार राज्य शिवहर जिल्ला ग्राम पञ्चायत बेलवाघाट–५ बस्ने २२ वर्षीय सुशीलकुमार साहलाई चेकजाँच गर्दा निजले बोकेको झोलाबाट भारु एक लाख असी हजार बरामद भएको जिल्ला प्रहरी कार्यालय, रौतहटले जनाएको छ ।
बरामद भारुसहित साहलाई राजस्व अनुसन्धान कार्यालय, पथलैयामा पठाइएको छ ।
