मोटरसाइकल चोरीमा तीनजना पक्राउ

प्रस, वीरगंज, २३ असोज/

जिल्ला प्रहरी कार्यालय पर्साले मोटरसाइकल चोरीको कसूरमा तीनजना युवकलाई पक्राउ गरेको छ।

जिप्रका पर्साका प्रवक्ता प्रहरी नायब उपरीक्षक ओमप्रकाश खनालले शुक्रवार दिउँसो वीरगंज–१० आदर्शनगरस्थित प्रभु बैंकअगाडिबाट ना.४८प ९३६१ नम्बरको मोटरसाइकल चोरी भएको र सो चोरी गर्ने कार्यमा संलग्न तीनजनालाई पक्राउ गरिएको बताए ।

उनले वीरगंज–२ छपकैयाका २४ वर्षीय अरमान देवान, २७ वर्षीय सहमत अन्सारी र ३० वर्षीय सद्दाम अन्सारीलाई पक्राउ गरी चोरी मुद्दामा कारबाई अगाडि बढाएको बताएका छन् ।