प्रस, पोखरिया, २० असोज/
कालिकामाई गाउँपालिका–२ का वडाध्यक्ष सोनालाल चौरसियाले सुपही साह मावि भेडियारीमा कक्षा ११ मा अध्ययरत विद्यार्थीहरूलाई पुस्तक वितरण गरेका छन् । सुपही साह मावि भेडिहारीमा कक्षा ११ मा अध्ययनरत व्यवस्थापन र शिक्षा सङ्कायका ६५ जना विद्यार्थीलाई पुस्तक वितरण गरिएको थियो ।
विद्यार्थीहरूले व्यवस्थापन र शिक्षा सङ्कायतर्फ दुई/दुई थान पुस्तक माग गरेकाले उनीहरूलाई वडाध्यक्षले निजी खर्चमा पुस्तक वितरण गरेका हुन् । यसैगरी, वडा पालिकाको तर्फबाट वडाध्यक्ष चौरसियाले २५ थान पङ्खा र कक्षा ११ मा अध्ययनरत विद्यार्थीहरूको परिचयपत्र बनाइदिएका छन् ।
कार्यक्रममा विद्यालय व्यवस्थापन समितिका अध्यक्ष विनोद चौरसिया, वडा सदस्य जयकिशन मण्डल, शिक्षक धर्मेन्द्र चौरसिया, स्थानीय वीरेन्द्र कुशवाहालगायतको सहभागिता थियो ।
