प्रस, रौतहट, १० असोज/
प्रहरी चौकी औरैयाले स्रोत नखुलेको नेपाली साढे चार लाख रकमसहित दुईजनालाई पक्राउ गरेको छ ।
चेकजाँचको क्रममा भारतीय बिआर३०वाई७२२२ नम्बरको मोटरसाइकलमा सवार व्यक्तिबाट रकम बरामद भएपछि चालकसमेतलाई नियन्त्रणमा लिएको प्रहरीले जनाएको छ ।
प्रहरीले मोटरसाइकलको पछाडि बसेका ७० वर्षीय रामचन्द्र राउतबाट ४ लाख ५१ हजार नगद बरामद भएको तर निजले सोको स्रोत खुलाउन नसकेपछि प्रहरीले निजसहित चालक २९ वर्षीय नीरजकुमार रायलाई पनि पक्राउ गरेको जनाएको छ । हिजो दिउँसोको यो घटनाका अभियुक्तहरूलाई रकमसहित गौर भन्सार कार्यालयमा बुझाइएको जिप्रका रौतहटले बताएको छ ।
