ठक्करबाट पैदल यात्रीको मृत्यु

प्रस, वीरगंज, ९ असोज/
वीरगंज–पथलैया सडकखण्ड अन्तर्गत गण्डक चोकमा ट्रकको ठक्करबाट एकजना पैदलयात्रीको मृत्यु भएको प्रहरीले जनाएको छ ।

ना.६ख ४९७१ नम्बरको ट्रकको ठक्करबाट पैदलयात्री कलैया उपमहानगरपालिका–१ शान्तिटोल निवासी ६० वर्षीय अनिल सुवेदीको मृत्यु भएको प्रहरीले जनाएको छ ।

ट्रकको ठक्करबाट घाइते सुवेदीलाई नारायणी वयोधा अस्पतालमा लगिएकोमा दिउँसो पौने चार बजे मृत्यु भएको प्रहरीले जनाएको छ । ठक्कर दिने ट्रक तथा चालक वीरगंज–१५ भिस्वा निवासी भोला राउत कम्करलाई प्रहरीले नियन्त्रणमा लिएको छ ।