प्रस, गरुडा, ३१ साउन/
देशको नेपाली साहित्यको लागि एउटा प्रतिष्ठित साहित्यिक पत्रिका नवप्रज्ञापनले प्रदेश दुईका गजलकारहरूको रचनालाई समेटेर एउटा विशेषाङ्क प्रकाशित गरेको छ । नवप्रज्ञापन साहित्यिक त्रैमासिकको ९२औं अङ्कलाई प्रदेश दुई गजल विशेषाङ्कको रूपमा प्रकाशित गरिएको हो ।
विशेषाङ्कमा पर्साका अङ्कित अधिकारी, ओमप्रकाश पटेल अविरल, गीता भण्डारी, गोपाल अश्क, दिनेश गुप्ता, दीक्षा सुवेदी, डा ध्रुवचन्द्र गौतम, भीम विराग, रामभक्त ठाकुर, रितु गुप्ता र लक्ष्मी श्रेष्ठका गजल समेटिएका छन् । यसैगरी, बाराका अमर त्यागी, इश्हाक हुसेन, जुनु क्षेत्री, निर्मोही व्यास, भोला चौलागाईं, रामकृष्ण काफ्ले, राम खनाल, रामप्रसाद साह, वागियान शर्मा, वैकुण्ठ नेपाल, शिव सन्देश, श्रीराम पाण्डे, समीर पाख्रिन, सरू बस्नेत र सुनील कुमारका गजल समेटिएका छन् ।
यसैगरी, रौतहटका अधिकारी कुमार अनल, कुल क्षेत्री, खेमप्रसाद बोलखे, गाँधी गौतम, जिसी हरि, प्रकाश तिमल्सिना, माधव काफ्ले, रमेशमोहन अधिकारी, राम उदित, रामचन्द्र तिमल्सिना, रूवि रौनियार, रेणु गुप्ता, रेणुका जिसी, लक्ष्मण आचार्य, विक्रान्त शर्मा, विश्वनाथ सञ्जेल, शीतल गिरी, श्याम सहनी चन्द्रांशु, सञ्जय साह मित्र र सौगात विश्वकर्माका गजल समेटिएका छन् भने सर्लाहीका कविराज सुवेदी कन्जुस, कुमार दाहाल, कृष्ण दाहाल, जीवन आचार्य निश्चल, नारायण निराशी, परशुराम घिमिरे निदान, प्रमिला पोखरेल, बेनु अधिकारी, भवानी घिमिरे, भक्ति रिजाल, मीना देवकोटा, राधा दाहाल, रामपवित्र साह, रूपेश पटेल, लीलाराज दाहाल, विवश पौडेल, वीणा सिन्हा, श्रवणकुमार भट्टराई, सञ्जय सुदामा, सुमन घिमिरे अग्रिम, सुमन पौडेल, सुमित्रा आचार्य र सुशीला पौडेलका गजल रचनाहरू समाविष्ट छन्।
विशेषाङ्कमा महोत्तरीका अर्जुन थापा, ध्रुवराज गिरी रोदन, प्रीतिञ्जला थापा, बोधराज पौडेल, रमेश अजीब रश्मि र श्रुति आले, धनुषाका तोयानाथ घिमिरे, धीरेन्द्र पे्रमर्षि र राजेन्द्र विमल, सिराहाका नन्दलाल आचार्य र राजेश विद्रोही तथा सप्तरीका खेमराज पोखरेल, देवकरण माझी, धीरकुमार श्रेष्ठ, मदन आले र रवेन्द्र रविका गजल समेटिएका छन् ।
नवराज रिजालको प्रकाशन तथा सम्पादनमा प्रकाशित नवप्रज्ञापनको प्रदेश दुई गजल विशेषाङ्कको अतिथि सम्पादकमा सञ्जय साह मित्र रहेका छन् । प्रदेश २ का सबै जिल्लाका रचनाकारका गजल समेटिएको यस प्रकारको पहिलो सङ्कलन भएको दाबी गरिएको छ ।
