प्रस, वीरगंज, ३० साउन/
वीरगंजका साहित्य स्रस्टाहरूको प्रभात काव्य–यात्रा शनिवार बिहान सम्पन्न भयो । प्रतीक दैनिकका प्रधानसम्पादक जगदीशप्रसाद शर्माको अगुवाइमा प्रतीक दैनिकको कार्यालयमा कार्यक्रम सम्पन्न भएको हो ।
सो अवसरमा लेखक तथा उपन्यासकार गणेश लाठ, जिल्ला प्रहरी कार्यालय पर्साका प्रमुख प्रहरी उपरीक्षक बेलबहादुर पाण्डे, वीरगंज भन्सारका प्रमुख हरिहर पौडेल, रितेश त्रिपाठी, दिलीपराज कार्की, गोपालप्रसाद खनाल, सूर्यनारायण विक, प्रिया मिश्र, गीता भण्डारी, अजमत अली, श्रेयज सुवेदी, दिवस सर्राफलगायतले साहित्यिक सिर्जना प्रस्तुत गरेका थिए ।
स्रष्टाहरूले नेपाली, हिन्दी र भोजपुरी भाषामा गजल, कविता, गीत, मुक्तकलगायतका सिर्जना पस्केका थिए ।
प्रभात काव्य–यात्रामा हरेक महीनाको अन्तिम शनिवार साहित्यिक जमघट हुँदै आएको छ ।
सो जमघटमा साहित्यिक भलाकुसारीका साथै रचनावाचन गरिंदै आइएको छ ।
विगत एक वर्षदेखि कोरोना महामारीका कारण स्थगित प्रभात काव्य–यात्रा अघिल्लो महीनादेखि पुनः सुचारु गरिएको हो ।
