इयरफोनका कारण दुर्घटना, देवान घाइते

प्रस, सिम्रौनगढ, २२ साउन/

बारा, सिम्रौनगढ नगरपालिका–४ हरिहरपुरको गण्डक नहरखण्डमा शुक्रवार ट्याक्टर पल्टिदा एकजना गम्भीर घाइते भएका छन् ।

दुर्घटनामा रौतहट, फतुवाविजयपुर नगरपालिका–५  सन्तपुर निवासी २५ वर्षीय नेपराज देवान घाइते भएका छन् । कानमा इयरफोन लगाई ट्याक्टर चलाइरहेको बेला अनियन्त्रित भई नहरबाट खसेर खेतमा पुगेको थियो ।

ट्याक्टरले थिचेर घाइते भएका देवानलाई स्थानीयवासीले उद्धार गरी प्रहरीमा खबर गरेको थियो ।  घाइतेको सिम्रौन नगर अस्पतालमा उपचार भइरहेको छ ।