प्रस, सेढवा, २० साउन/
जीराभवानी गाउँपालिका–२ मा निर्मित वडा कार्यालय भवनको गापा अध्यक्ष रामप्रित महतोले उद्घाटन गरेका छन् ।
स्थानीय तह गठन अगाडि जिल्ला विकास समिति, पर्साको रू १० लाख लगानीमा सो कार्यालयको भवन निर्माणको काम शुरू भएको थियो । अहिले गापाले आव २०७५/०७६ र ०७६/०७८ मा रू २५ लाख लगानी गरेर भवन निर्माण सम्पन्न गरेको हो । सभागृह, तीनवटा कोठा रहेको वडा कार्यालय भवनको शौचालय महिला, पुरूष मैत्री छ ।
उद्घाटन समारोह वडाध्यक्ष महादेव महतो थारूको अध्यक्षतामा भएको थियो भने श्रीकान्तीदेवी थरूनी, नन्दकिशोर साह, सशस्त्र प्रनि केदार राईलगायतको सहभागिता थियो ।
