प्रस, वीरगंज, ४ साउन
बारा, परवानीपुर गाउँपालिका–४ चैनपुरमा नवनिर्मित वडा कार्यालय भवनको वडाध्यक्ष गजेन्द्रप्रसाद पटेलले उद्घाटन गरेका छन् ।
रु ४० लाखको लागतमा निर्मित भवनको उद्घाटन गर्दै वडाध्यक्ष पटेलले आफूले घोषणा गरेबमोजिम वडा कार्यालय भवन निर्माण गरेको बताए । उनले वडा कार्यालय भवन निर्माणपछि वडाबाट प्रवाह हुने सेवा प्रभावकारी हुने दाबी गरे । उनले यसै वर्ष भवनको दोस्रो तला थप गर्ने प्रतिबद्धता जनाए ।
भवन उद्घाटन समारोहमा गापा उपाध्यक्ष सावित्री देवी, वडाध्यक्ष मिश्री महतो, ईश्वरी साह तेली, प्रहरी चौकी बुनियादका इन्चार्ज सुनीलसिंह राजपूत, वडासचिव सन्तोषकुमार नेपालीलगायतको सहभागिता थियो ।
