राजेश केशरीवाल, रक्सौल, २० असार
बाढीमा परेर सुगौलीमा चारजनाको मृत्यु भएको छ । सुगौली थानाध्यक्ष् विवेक कुमारले बङ्गडा निवासी ४० वर्षीय सुनील शर्मा, दक्षिण छपरा बहास निवासी १९ वर्षीय सहाबुद्दीन र पचभीडवाकी अनिसा कुमारी र रिङ्कु कुमारीको बाढीमा परी मृत्यु भएको बताए ।
उनले शर्मा बाँध पार गर्ने क्रममा खुट्टा चिप्लेर लडी बगेको, सहाबुद्दीन शौच गर्न जाँदा बाढीले बगाएको र अनिसा तथा रिङ्कु नहर किनारमा खेल्दा डुबेर मरेको थानाध्यक्ष् विवेक कुमारले बताए ।
चारैजनाको खोजी गोताखोरहरूले गरेका थिए । उनीहरूको शव शल्यपरीक्षणको लागि मोतीहारी पठाइएको थानाध्यक्ष विवेक कुमारले बताए ।
