प्रस, वीरगंज, १९ असार
पर्साको छिपहरमाई गाउँपालिका वडा नं ३ जयमङ्गलापुर निवासी बृजकिशोर साहको घरमा शुक्रवार राति आगलागी भएको छ। आगलागीबाट तीनवटा भैंसी जलेर मरेको प्रहरी चौकी बुडगाईले जानकारी दिएको छ।
राति करीब ११ बजे साहको घरमा आगलागी भएको थियो। वर्षात्को कारण बाटो अवरुद्ध भएकोले पोखरियाबाट गएको वारुणयन्त्र भिस्वामा नै रोकिएको थियो। स्थानीय बासिन्दाहरूको सहयोगमा आगो नियन्त्रण लिएको प्रहरीले जनाएको छ।
आगलागीबाट अन्न, लत्ताकपडालगायत घरभित्रका सबै सामान जलेर नष्ट भएको छ। आगलागीको कारण भने खुलेको छैन।
