प्रस, वीरगंज, १५ असार/
नगरप्रमुख विजयकुमार सरावगीले वीरगंज महानगर–२७ भवानीपुरमा विद्यालय भवनको उद्घाटन गरेका छन् । महानगरपालिकाको नगरस्तरीय बजेटबाट निर्माण गरिएको चार कोठे विद्यालय भवनको मड्डलवार नगरप्रमुख सरावगीले उद्घाटन गरेका हुन्।
रु ३० लाख लागतमा निर्माण भएको भवनको पर्खाल निर्माणका लागि ९ लाख, शौचालय निर्माणका लागि ७ लाख र खेलमैदानमा माटो पुर्नका लागि २ लाख रुपैयाँ महानगरपालिकाबाट उपलब्ध गराइएको नगरप्रमुख सरावगीले बताए ।
यसैबीच, वीरगंज महानगर–३१ कृषि शाखाले आयोजना गरेको धान दिवस कार्यक्रमको नगरप्रमुख सरावगीले रोपाइँ गरेर उद्घाटन गरेका छन्।
