नगरप्रमुखद्वारा पुल निर्माण गर्न निर्देशन

प्रस, वीरगंज, २४ जेठ/

वीरगंज महानगरपालिका–२८ बगही र इनर्वा गाउँ जोड्ने पुल भत्किएपछि नगरप्रमुख विजयकुमार सरावगीले एक सातामा पुल निर्माण गर्ने बताएका छन्।

टिपरको कारण सो पुरानो पुल क्षतिग्रस्त भएपछि आवतजावतमा समस्या देखी नगरप्रमुख सरावगीले पुल निर्माणको लागि निर्देशन दिएका हुन्। स्थानीयले पुल निर्माणको लागि नगरप्रमुखसँग आग्रह गरेपछि नगरप्रमुख सरावगीले एक सातामा सो पुल निर्माण गर्ने आश्वासन दिए।

नगरप्रमुख सरावगीले पुलको निरीक्षण गर्दै पूर्वाधार महाशाखालाई निर्देशन दिएका हुन्।