प्रस, रौतहट, २१ जेठ/
रौतहटको दुर्गाभगवती गाउँपालिका–५ का विकास पासवानलाई स्थानीयवासीले बिहीवार बाँधेर कुटपिट गरेका छन्।
वडा नं ४ बस्ने किन्सीदेव गिरीले पासवानलाई बाँधेर कुटपिट गरेको दुर्गाभगवती–५ का अध्यक्ष धर्मनाथ चौधरीले बताए। पासवानले युवतीलाई प्रेमपत्र लेखेको भन्दै कुटपिट गरिएको वडाध्यक्ष चौधरीले बताए।
जिल्ला प्रहरी कार्यालय रौतहटका प्रहरी उपरीक्षक सिद्धिविक्रम शाहले घटनामा संलग्न रहेको आरोपमा ५० वर्षीय राजदेव गिरीलगायत दुईजनालाई पक्राउ गरेको बताए। उनले युवक दलित समुदायको भएकाले गाउँका गैरदलितहरूले कुटपिट गरेको बताए।
