नक्कली प्रहरी पक्राउ

प्रस, रौतहट, १८ जेठ/

नक्कली प्रहरी बनेर रकम ठगी गर्ने एकजना युवकलाई जिल्ला प्रहरी कार्यालय, रौतहटले पक्राउ गरेको छ।

गौर नगरपालिका–२ महादेवपट्टि टोलमा आफूलाई प्रहरी भएको बताउँदै खुला सीमाबाट आवतजावत गर्नेहरूसित अनधिकृत रकम असुली गरिरहेको सूचनाको आधारमा ३० वर्षीय सुशील पटेललाई पक्राउ गरेको जिप्रका रौतहटले जनाएको छ। उनलाई अदालतको आदेशमा थुनामा राखी थप अनुसन्धान भइरहेको सो कार्यालयले जनाएको छ।