प्रस, वीरगंज, १६ जेठ/
कलैया उपमहानगरपालिकामा लायन्स क्लबले स्थापना गरेको अक्सिजन बैंकलाई कलैया सिटी जेसीज र क्यानडामा रहेका नेपालीहरूले आर्थिक सहयोग गरेका छन्।
कलैया सिटी जेसीजका अध्यक्ष शम्भु गुप्ताले लायन्स क्लब अफ कलैयाका अध्यक्ष दिलीप चौधरीलाई ३० हजार रुपैयाँको चेक हस्तान्तरण गरे। उनले लायन्सले सञ्चालन गरेको अक्सिजन बैंकमा अक्सिजन सिलिन्डर रिफिलिङ गर्न सहयोग होस् भनेर चेक हस्तान्तरण गरेको बताए। यसैगरी, क्यानडामा बसेका नेपालीहरूको संस्था नेप्लिज क्यानडियन सेन्टरले ५३ हजार ७५५ रुपैयाँ सहयोग गरेको क्लबका अध्यक्ष चौधरीले बताए।
